Yaponiya hukumati 30-avgust kuni shimoli-sharqiy Ivate va Miyagi prefekturalaridagi 920 maktablardagi mashg‘ulotlarni qoldiradi. Bunga “Layonrok” to‘fonining yaqinlashayotgani sabab bo‘ldi, deb xabar beradi “TASS”.
Yaponiya metereologiya agentligi ma’lumotlariga qaraganda, ayni paytda tropik po‘rtana Tinch okeanida, Yaponiya poytaxtidan janubroqda hukm surmoqda. U shimolga 25 kilometr/soat tezlikda siljimoqda, shu bois mamlakat shimoli-sharqiy sohiliga 30-avgust, seshanba kuni yetib kelishi kutilmoqda. Sinoptiklar soatiga 200 millimetr yog‘ingarchilik bo‘lishini kutmoqda, Ivate, Miyagi va Fukusima prefekturalarida esa shamol tezligi sekundiga 40 metrdan oshishi mumkin.
Ilgariroq Yaponiya bosh vaziri Sindzo Abe to‘fonning yaqinlashishi bois Keniyaga tashrifini qisqartirgani bildirilgan edi.
Izoh (0)