Suriya rasmiylari qamaldagi Aleppoda gumanitar falokatga yo‘l qo‘ymaslik maqsadida 200 ga yaqin suv tarqatish punktini ochdi. Ulardan yo‘l olgan yuk mashinalari kunu tun aholi turar-joylari, kasalxonalar va gumanitar markazlarni suv bilan ta’minlamoqda. Bu haqda “Interfaks” xabar berdi.
Jangarilar Yevfrat daryosining markaziy inshootlaridan birini qo‘lga olganidan so‘ng shaharning bosh suv tarmog‘i, bir paytlar eni besh metrga yetgan Kueyk daryosi ingichka irmoqqa aylanib qoldi. Suriya hukumati xalqaro gumanitar tashkilotlar yordamida g‘arbiy Aleppoda ikki yuzga yaqin suv tarqatish punktini ochdi. Hozir ulardan 120 tasi ishlamoqda, qolganlaridan ham zaruratga qarab foydalanilishi ko‘zda tutilgan.
Shaharda jami mingdan ortiq quduq burg‘ulangan, shu sababli hozircha ichimlik suvi tanqisligiga yo‘l qo‘ymaslikning uddasidan chiqilmoqda.
Izoh (0)