Angliya chempionati 3-turida “Manchester Yunayted” jamoasi safarda “Xall Siti” mehmoni bo‘ldi va Markus Reshfordning hakam tomonidan qo‘shib berilgan daqiqalarda kiritgan yagona goli evaziga g‘alaba qozondi.
“Korrespondent.net” nashrning xabar berishicha, 18 yoshli futbolchi tomonidan kiritilgan gol tribunada o‘tirgan “MYu” muxlislarini oyoqqa turishiga olib keldi. Golni nishonlash uchun jamoa o‘z muxlislari tomon yugurdi, ishqibozlar esa futbolchilarga yaqinlashish uchun stadionga chiqib keta boshladi.
Natijada reklama peshtaxtasi yiqitildi va odamlar bir-birining ustiga chiqa boshladi. To‘daning eng tagida “MYu”ning ayol muxlisi qolib ketdi. Buni ko‘rgan belgiyalik yarim himoyachi Maruan Fellayni ayolga yordam berishga intildi, keyin esa maydon xizmatchilaridan birini yordamga chaqirdi.
Futbolchi va muxlislar baxtiga barchasi yaxshi yakun topdi.
Izoh (0)