Turkiya janubi-sharqidagi yo‘l-transport hodisasida kamida yetti kishi halok bo‘ldi, yana sakkiz kishi jarohatlandi va kasalxonaga yotqizildi. Bu haqda “TASS” xabar bermoqda.
CNN Türk telekompaniyasiga ko‘ra, yo‘nalishdagi avtobus 28-avgust, yakshanba kuni yengil avtomobil bilan to‘qnashdi. Hodisa Adiyaman shahri yaqinida ro‘y berdi. Avtobus ushbu shahar va Bingo‘l o‘rtasida qatnovni amalga oshirayotgan edi.
Hodisaning boshqa tafsilotlari keltirilmagan. Politsiya buning sabablarini o‘rganmoqda.
Izoh (0)