Toshkent, Navoiy va Termiz 25-avgust kuni O‘zbekiston viloyat markazlari va yirik shaharlari orasida eng issig‘i bo‘ldi. “O‘zgidromet” axborotiga ko‘ra (pdf), shu kuni mazkur shaharlarda havo harorati +35 darajagacha ko‘tarilgan.
Shu kuni ma’muriy markazlar orasida eng salqin havo Nukus, Urganch, Samarqandda qayd etildi — +32 daraja issiq. O‘zbekistonning boshqa yirik shaharlarida eng yuqori harorati quyidagicha bo‘ldi — Buxoro, Jizzax, Qarshi, Namanganda +33 daraja, Guliston, Andijon, Farg‘onada +34 daraja.
Shahar va qo‘rg‘onlar orasida eng salqin havo Angrenda kuzatildi — +30 daraja issiq. Tog‘li hududlar esa odatdagidek salqin — Qamchiqda havo harorati +23 darajadan, Chimyonda esa +24 darajadan oshmadi.
25-avgust kuni kunduzi va 26-avgustga o‘tar kechasi O‘zbekistonda yog‘ingarchilik kuzatilmadi, eng kuchli shamollar (soniyasiga 15 metrlik) esa Qoraqalpog‘istonda qayd etildi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)