Madridning “Real” jamoasi hujumchisi Krishtianu Ronaldu boshqa klubga o‘tish niyati yo‘q ekanini yana tasdiqladi, deb xabar bermoqda “Chempionat”.
“Dunyoning eng yaxshi klubida qolishni istayman. Yaqin haftalarda bu haqda ko‘proq ma’lumot paydo bo‘ladi. ‘Real’dagi faoliyatimni 41 yoshimda yakunlamoqchi ekanimni avval ham aytganman”, – dedi 31 yoshli futbolchi.
Avvalroq “Qirolli klubi” Ronalduning amaldagi shartnomasini 2021-yilgacha uzaytirishi haqida xabar qilingandi.
Ma’lumot uchun, Ronaldu 2015/16-yilgi mavsum yakunlariga ko‘ra, UEFA talqini bo‘yicha Yevropaning eng yaxshi futbolchisi deb tan olindi.
Izoh (0)