Boliviyalik konchilar o‘zlari o‘g‘irlab ketgan mamlakat ichki ishlar vaziri o‘rinbosari Rudolfo Ilyanesni do‘pposlab o‘ldirdi, deya xabar bermoqda Reuters.
Ilyanes Boliviya poytaxti La-Pasdan 160 kilometr masofadagi Panduro shahrida o‘g‘irlab ketilgan edi. Mahalliy Fedecomin radiostansiyasi direktori Moyses Flores kaltaklar zarbidan halok bo‘lgan vazir o‘rinbosari jasadini o‘z ko‘zi bilan ko‘rganini xabar qildi.
Ilyanesning o‘limi rasman tasdiqlanganicha yo‘q.
Ilyanesning o‘g‘irlab ketilgani haqida 25-avgust kuni ma’lum bo‘lgan edi. Konchilar vazir o‘rinbosaridan o‘z talablari bajarilishini— Boliviyada ko‘mir konlari faoliyatining asosiy shakllaridan biri bo‘lgan kooperativlar to‘g‘risidagi qonunga kiritilishi kutilayotgan o‘zgartirishlar bekor qilinishini talab qilgan. Bundan tashqari, ular o‘zlarining qo‘lga olingan hamkasblari ozod qilinishini so‘ragan.
Izoh (0)