Yangi Zelandiyada pitssalarni uchuvchisiz uchar qurilmalarda yetkazish bo‘yicha dunyodagi birinchi xizmat ishga tushadi

Avstraliyaning Domino’s Pizza kompaniyasi Yangi Zelandiyada dunyoda birinchi uchuvchisiz uchar qurilmalar yordamida yetkazish servisini ishga tushirish rejalari haqida ma’lum qildi. Bu haqda Bloomberg agentligi ma’lum qildi, deya xabar bermoqda “TASS”.

Joriy yilda Yangi Zelandiyada sinovdan o‘tkazish boshlanadigan loyiha Amerikaning yuklarni uchuvchisiz uchar qurilmalar orqali yetkazishga ixtisoslashgan Flirtey kompaniyasi bilan hamkorlikda amalga oshiriladi.

Domino’s mahsulotlarini yetkazishda dronlarni Avstriya, Belgiya, Fransiya, Niderlandiya, Yaponiya va Germaniyada ham qo‘llash rejasini ko‘rib chiqmoqda.

Domino’s rahbari Don Meyjning so‘zlariga qaraganda, dronlar yetkazishning boshqa usullaridan ko‘ra ustunliklarga ega bo‘lib, yo‘llar va avtomobillar harakati bilan bog‘liq cheklovlarga ega emas.