1955-yil 25-avgust kuni O‘zbekistonda xizmat ko‘rsatgan artist, taniqli so‘z ustasi Hojimurod (Hojiboy) Tojiboyev tug‘ilgan edi.
Hojiboy Tojiboyev 2008-yili 53 yoshga to‘lishiga roppa-rosa bir oy qolganida vafot etgan edi. Bugun hayot bo‘lganida “O‘zbekning o‘zi qiziq, o‘zidan ham so‘zi qiziq” degan mashhur ibora muallifi do‘stu qadrdonlar davrasida o‘zining 61 yillik tavallud kunini nishonlagan bo‘lardi.
Xo‘ja Nasriddin haqidagi latifalar xalq og‘zaki ijodi orqali avloddan avlodga o‘tib kelgani singari, Hojiboy Tojiboyev ham o‘zidan keyin o‘lmas kulgu meros qilib qoldirdi — ba’zan achchiq, ba’zan shirin bo‘lgan bu hazil-mutoyiba hammaga tanish, hamma uchun sevimli.
Tavallud kuni munosabati bilan, quyida Hojiboy Tojiboyevning eng mashhur chiqishlaridan videojamlanmani e’tiboringizga havola qilamiz — ular yuzingizda yana bir bor samimiy tabassum uyg‘otishi bilan birga Kulgu qirolini xotirlash uchun go‘zal bir bahonai sababdir.
Oshda ko‘rinmadingiz?! Sho‘rvaga o‘tirmadinglar-da!
Buxoro-o-o!
Sevishganlar haqida
Kalla qo‘ygan Zidan
Eski va yangi armiya
O‘zbekcha to‘y
Ruslan Chagayev va Nikolay Valuyev jangi haqida
Borma, kuyasan! Ana kuyding!
O‘zbek futboli haqida
Hozir borib sev!
Yangi boylar va traktorchilar haqida
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.