Polshada, Lyublin shahri yaqinida Ukraina fuqarolari bo‘lgan avtobus yo‘l-transport hodisasiga duch kelishi oqibatida 5 kishi halok bo‘ldi. Bu haqda “TASS” xabar bermoqda.
“Aylanma yo‘ldagi fojiali hodisa tufayli besh nafar ukrainalik halok bo‘ldi, 25 kishi jarohat oldi. Avtobusda jami 49 kishi bo‘lgan, ularning barchasi Ukraina fuqarolari”, — deyiladi Polshaning “Fact24.pl” internet-nashri xabarida.
Polsha OAVlariga ko‘ra, avtobusda bo‘lgan yo‘lovchilar Varshavaga mavsumiy ishlarda qatnashish uchun yo‘l olgan, biroq transport vositasi yo‘l chetiga chiqib ketib, daraxtga borib urilgan. Mahalliy politsiya taxminiga ko‘ra, avtobus haydovchisi uxlab qolgan bo‘lishi mumkin.
Barcha jarohatlanganlar yaqin oradagi kasalxonalarga yetkazildi, ular orasida bolalar ham bor.
Izoh (0)