APL. Zlatan Ibrahimovichning dubli “Manchester Yunayted”ga ketma-ket ikkinchi turda g‘alaba tortiq qildi

Futbol bo‘yicha Angliya Premyer-Ligasining 2-tur o‘yinlari “Manchester Yunayted” — “Sautgempton” uchrashuvi bilan start oldi.

Mavsumning ilk turini “Bornmut” maydonida o‘tkazib, 3:1 hisobida zafar quchgan Joze Mourinyo boshchiligidagi “Yunayted”, 2-turda “Sautgempton” ustidan ham 2 ta gol farqi bilan zafar quchdi.

O‘yindagi har ikki gol Zlatan Ibrahimovich tomonidan urildi. Shved hujumchisi “Yunayted” safidagi ilk o‘yinda gol urib, jamoaning Angliya Superkubogida zafar quchishiga yordamlashgan bo‘lsa, mavsumdagi ilk turda ham “Bornmut” darvozasiga yo‘l topa olgandi.

Ma’lumot uchun, Klod Pyuel murabbiyligidagi “Sautgempton” 1-turni o‘z maydonida “Uotford”ga qarshi o‘tkazib, 1:1 hisobida durang o‘ynagandi.

Angliya Premyer-Ligasi 2-tur bellashuvi 19-avgust, juma

“Manchester Yunayted” — “Sautgempton” 2:0

20-avgust, shanba“Stok Siti” — “Manchester Siti”“Byornli” — “Liverpul”“Vest Bromvich” — “Everton”“Suonsi” — “Xall Siti”“Tottenhem” — “Kristal Pelas”“Uotford” — “Chelsi”“Lester” — “Arsenal

21-avgust, yakshanba“Sanderlend” — “Midlsbro”“Vest Hem” — “Bornmut”