Toshkentning Muqimiy ko‘chasi va unga yondosh hududlardagi ob’ektlarda keng ko‘lamli ta’mirlash va rekonstruksiya ishlari olib borilayotgani munosabati bilan ko‘chaning ayrim nuqtalari transport vositalari harakati uchun to‘la yopilgan.
So‘nggi bir necha kundan buyon Muqimiy ko‘chasidagi yo‘lning tramvay izidan qolgan qismlari tekislanib, butun yo‘l bo‘ylab yangi asfalt qoplamasi yotqizilmoqda, yo‘l o‘rtasiga esa shaharning aksariyat ko‘chalariga o‘rnatilgan to‘siqlar o‘rnatib chiqilmoqda.
Kun salqinlashishi bilan esa, hozircha avtomobillardan holi bo‘lib turgan bu ko‘cha yoshu qari bilan to‘lib, o‘ziga xos sayilgohga aylanmoqda, deyiladi Facebook’dagi “Voditeli Tashkenta” guruhida qoldirilgan fotoxabarda.
Avvalroq, xuddi shunday manzarani Nurafshon ko‘chasining yangi qurilgan bo‘lagida ham kuzatish mumkinligi haqida xabar berilgan edi.
Ma’lumot uchun, Toshkent shahar hokimligi Muqimiy ko‘chasidagi qurilish-ta’mirlash ishlari 22-avgustda yakuniga yetishini ma’lum qilib, yuzaga kelgan noqulayliklar uchun shahar aholisidan uzr so‘ragan.Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)