“Barselona” har ikki o‘yinda “Sevilya”ni mag‘lubiyatga uchratib, Ispaniya Superkubogi sohibiga aylandi (video)

Futbol bo‘yicha Ispaniya Superkubogining javob o‘yinida “Barselona” jamoasi o‘z maydonida “Sevilya” futbolchilarini qabul qilib, 3:0 hisobida zafar quchdi.

Uchrashuvning 10 va 46-daqiqalarida Arda Turan, 55-daqiqada Lionel Messi tomonidan kiritilgan gollar “Barselona”ning yirik g‘alabasini ta’minladi.

Dastlabki o‘yinda 2:0 hisobida g‘alaba qozongan kataloniyaliklar umumiy 5:0 hisobida muvaffaqiyatga erishib, Ispaniya Superkubogi sohibiga aylandi.

Ispaniya SuperkubogiJavob o‘yini18-avgust, payshanba

“Barselona” – “Sevilya” 3:0

“Barselona”: Bravo – Din (Alba, 61), Maskerano, Umtiti, Vidal – D. Suares (Rakitich, 73), Buskets (Samper, 74), Gomesh – Turan, El-Xaddadi, Messi.

“Sevilya”: Riko – Diyego Gonsales, Merkado, Mariano – Konoplyanka, Iborra, Kranevitter, Korrea (Vetto, 73), Sarabiya – Ganso (Vaskes, 57), Ben Yedder (Vitolo, 63).

Ogohlantirishlar: Umtiti – Vitolo, Sarabiya