Suriya va Turkiya chegarasidagi portlash natijasida 15 kishi halok bo‘ldi

Suriya va Turkiya chegarasidagi Atme qishlog‘ida avtobus portlashi natijasida 15 kishi halok bo‘ldi, deb yozadi “Gazeta.ru” Reuters’ga tayanib.

Xabar berilishicha, portlash avtobus Turkiya hududiga yo‘l olgan vaqtda xudkush terrorchi tomonidan amalga oshirilgan. Avtobus yo‘lovchilarining katta qismi Suriya muxolifatchi guruhlarining jangchilari bo‘lgan.

Portlashda, shuningdek, 25 kishi jarohat oldi. Hodisa yuz bergan vaziyat aniqlashtirilmoqda.