Rossiya mehmonxonalarida musulmonlar uchun maxsus xonalar tarmog‘i tashkil etiladi
Rossiya muftiylar kengashi mehmonxona biznesi vakillari bilan birgalikda bunday muassasalarda halol standartlarni joriy etish loyihasi realizatsiyasini boshladi, deb ma’lum qiladi “Vedomosti”.
“Bugun Rossiya kelayotgan musulmonlar oqimi kuchayib borayotgani kuzatilmoqda, bu esa ularga islom talablariga javob beradigan joylashuv o‘rinlarini taqdim etishga undamoqda”, — dedi Rossiya muftiylar kengashi “Halol” Xalqaro standartlashtirish va sertifikatlash markazi bosh direktori Aydar G‘azizov.
Uning so‘zlariga qaraganda, muftiylar kengashi Moskva va mintaqalardagi mehmonxonalarda halol standartlar asosida ishlovchi xonalar sonini ko‘paytirishni rejalashtirmoqda. Loyiha birinchi galda Moskvada hamda Shimoliy Kavkazda, Uralda, Oltoyda, Volgabo‘yida amalga oshiriladi.
Tushuntirilishicha, halol xonalarda odamlar va jonivorlarning haykallari va rasmlari bo‘lmaydi, ularning o‘rnini Qur’on tarjimalari, joynamozlar egallaydi, xonada turuvchilarga halol ovqat yetkaziladi. Shuningdek, Ka’ba joylashgan taraf ko‘rsatilgan bo‘ladi.
