Toshkent, Jizzax va Termiz shaharlarida 13-avgust kuni havo harorati +39 darajagacha ko‘tarildi. “O‘zgidromet” axborotiga ko‘ra, bu O‘zbekistonning yirik shaharlari va viloyat markazlari orasida shanba kuni qayd etilgan eng yuqori harorat bo‘ldi.
Farg‘ona shahri esa, aksincha, 13-avgust kuni O‘zbekistonning yirik shaharlari orasida eng salqini bo‘ldi — bu yerda havo haroratining eng yuqori ko‘rsatkichi +35 darajadan oshmadi.
Shu kuni Nukus, Urganch, Samarqand, Andijon shaharlarida havo harorati +36 darajagacha, Navoiy, Namangan shaharlarida +37, Buxoro, Guliston, Qarshi shaharlarida esa +38 darajagacha ko‘tarilgan.
“O‘zgidromet”ning qayd etishicha, 13-avgust kuni va 14-avgustga o‘tar kechasi Toshkent, Namangan, Farg‘ona viloyatlarining ayrim hududlarida va O‘zbekistonning tog‘li joylarida qisqa muddatli yog‘ingarchilik va momaqaldiroq kuzatilgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)