Rossiyadan boshpana olgan AQSh maxfiy xizmatlarining sobiq xodimi Edvard Snouden o‘tgan yili telekonferensiya tartibida AQShdagi turli jamoat tashkilotlari oldidagi chiqishi uchun 200 ming dollardan ortiq qalam haqi oldi. Bu haqda, Fox News manbalariga tayanib, “Korrespondent.net” xabar bermoqda.
Masalan, Kolorado shtati universiteti Snoudenga ma’ruzasi uchun 56 ming dollar to‘ladi. AQSh dasturlari byurosi ancha kam — 40 daqiqali taqdimot, 20 daqiqali muhokama va 30 daqiqali auditoriya savollariga javob uchun atigi 3 ming dollar to‘ladi.
Snoudenning advokati Ben Vizner mijozining biznesida qoralash mumkin bo‘lgan holatni sezmayotganligi, u chiqishlari tufayli boyib ketmayotganligi va barcha soliqlarni to‘lashini bildirdi.
Izoh (0)