Dog‘istondagi Tagirkent-Kazmalyar qishlog‘ida aksilterror operatsiyasi rejimi o‘rnatildi. Bu holat bir nafar jangarining o‘ldirishidan keyin e’lon qilindi, deb yozdi “RBK”. Bunda nashr milliy aksilterror qo‘mitasining Dog‘istondagi tezkor shtabi vakilining so‘zlariga asoslangan.
Rejim Moskva vaqti bilan 7:30 dan boshlab amalda bo‘ldi. Dog‘istondagi tezkor shtab vakili ayni vaqtda qolgan jangarilar va ularning sheriklarini izlash operatsiya boshlanganini ma’lum qilgan.
Hududdagi kuch ishlatuvchi organ vakillarining “Interfaks”ga guvohlik berishicha, 14-avgust kuni organ hodimlari noma’lum erkakdan hujjatlarni tekshirish uchun to‘xtashini talab qilgan. Tagirkent-Kazmalyar qishlog‘idagi bu voqeadan keyin erkak kuch ishlatuvchi organ vakillariga qarata o‘ch ochganidan so‘ng gumdon qilingan. Otishmadan keyin jarohatlanganlar bor yoki yo‘qligi borasida ma’lumot berilmagan.
Noma’lum erkakning shaxsi aniqlandi. U terrorchilik faoliyati tufayli federal qidiruvda bo‘lgan jangari bo‘lib chiqdi. Ayni vaqtda unga tegishli bo‘lgan uy qamal qilingan.
“RIA Novosti”ning Dog‘iston huquqni muhofaza qiluvchi organlari vakilidan iqtibos keltirib aytishicha, o‘ldirilgan erkak Janubiy to‘da deb nomlangan guruh a’zosi hisoblangan.
Izoh (0)