APL. “Lester”dan keyin “Tottenhem” ham ochko yo‘qotdi, Gvardiola g‘alaba bilan boshladi

Futbol bo‘yicha Angliya Premyer-Ligasida 1-turning 13-avgust sanasidan joy olgan bellashuvlari o‘z yakuniga yetdi.

• APL. Amaldagi chempion “Lester” mavsumni debyutant “Xall Siti”dan mag‘lub bo‘lish bilan boshladi

Xosep Gvardiola boshchilik qilayotgan “Manchester Siti” mavsumni 3 ochko bilan boshladi. Devid Moyes murabbiyligidagi “Sanderlend”ga qarshi maydonga tushgan jamoa Agueroning penaltidan urgan goli, shuningdek, 83-daqiqada maydonga tushgan Makneyrning avtogoli evaziga muvaffaqiyat qozondi.

Mamlakatning amaldagi bronza medali sohibi “Tottenhem” Ronald Kumanning yangi jamoasi “Everton” maydonida 2 ochko yo‘qotdi — 1:1. “Uotford” esa Kumanning sobiq jamoasi “Sautgempton” maydonida 1 ochko ishladi. Bosh hakam Rojer Ist mehmonlarning uch nafar futbolchisini maydondan chetlatgan bo‘lsa-da, “Uotford” raqib hujumlariga turib bera oldi.

APLda 1-tur bellashuvlari 14—15-avgust kunlari davom ettiriladi.

Angliya Premer-Ligasi 1-tur bellashuvlari 13-avgust, shanba

“Byornli” — “Suonsi” 0:1

Gol: Leroy Fer, 82 (0:1).

“Kristal Pelas” — “Vest Bromvich” 0:1

Gol: Salomon Rondon, 75 (0:1).

Midlsbro” — “Stok Siti” 1:1

Gollar: Alvaro Negredo, 11 (1:0). Jerdan Shakiri, 68 (1:1).

“Sautgempton” — “Uotford” 1:1

Gollar: Eten Kapu, 9 (0:1). Netan Redmond, 58 (1:1).Chetlatishlar: Adlen Gediura, 60 (U). Ben Uotson, 76 (U). Eurelo Gomas, 87 (U). Virjil van Deyk, 90+4 (S).

“Everton” — “Tottenhem” 1:1

Gollar: Ross Barkli, 5 (1:0). Erik Lamela, 59 (1:1).

“Manchester Siti” — “Sanderlend” 2:1

Gollar: Serxio Aguero, 4-pen (1:0). Jermeyn Defo, 71 (1:1). Patrik Makneyr, 87-avt (2:1).

14-avgust, yakshanba“Bornmut” — “Manchester Yunayted”“Arsenal” — “Liverpul”

15-avgust, dushanba“Chelsi” — “Vest Hem”