Afg‘onistonda o‘tgan bir kecha-kunduzda 32 nafar tolib yo‘q qilindi

Afg‘oniston qurolli kuchlari mamlakat shimolidagi operatsiya chog‘ida o‘tgan bir kecha-kunduzda 32 nafar tolibni yo‘q qildi, deb yozadi “TASS”.

Operatsiya Baglan va Qunduz provinsiyalarida kechdi. Afg‘oniston mudofaa vazirligi vakili so‘zlariga ko‘ra, Baglanda 12 tolib, Qunduzda esa 20 tolib yo‘q qilindi. Bundan tashqari, to‘qnashuvlarda yana 28 nafar tolib yaralangan.

Toliblar bir qishloqni raketa bilan o‘qqa tutishi natijasida kamida ikki kishi halok bo‘ldi, ular bir oila a’zolari bo‘lgani xabar qilinmoqda.

Afg‘oniston qurolli kuchlari aniqlik kiritishicha, toliblar qishloqni hududda jangarilarni yo‘q qilish bo‘yicha maxsus operatsiya o‘tkazayotgan harbiylar bilan jangovar to‘qnashuvlar chog‘ida o‘qqa tutgan.

Kuch tuzilmalari xodimlari orasidagi talafot haqida xabar berilmayapti.