Oliy Liga. 18-tur “Nasaf”ning Toshkentdan yirik g‘alaba bilan qaytishidan boshlandi

Futbol bo‘yicha O‘zbekiston Oliy Ligasida 18-tur bellashuvlari “Obod” — “Nasaf” o‘yini bilan start oldi.

Uchrashuvning 12-daqiqasida Farrux Sayfiyev qarshilik futbolchilarni hisobda oldinga olib chiqdi. Ikkinchi bo‘limda “Nasaf” safiga yangi qo‘shilgan ikki nafar futbolchi muvaffaqiyat qozondi: Fozil Musayev va Dragan Cheran.

Ro‘ziqul Berdiyev ustozlik qiladigan “Nasaf” Oliy Liga ikkinchi davrasida uchta o‘yin o‘tkazib, yuz foizlik natija qayd etdi. Klub 37 ochko bilan turnir jadvalida 3-o‘rinda bormoqda. “Obod” esa hisobidagi 11 ochko bilan 16 klub orasida 15-pog‘onadan joy olgan.

18-turning qolgan o‘yinlari 13—14-avgust kunlari bo‘lib o‘tadi.

O‘zbekiston Oliy Ligasi 18-tur uchrashuvi 12-avgust, juma

“Obod” — “Nasaf” 0:3

13-avgust, shanba“Andijon” — “Qo‘qon—1912”“Sho‘rtan” — “Metallurg”“Paxtakor” — “Buxoro”“Olmaliq” — “Qizilqum”

14-avgust, yakshanba“Mash’al” — “Bunyodkor”“Neftchi” — “Lokomotiv”“So‘g‘diyona” — “Navbahor”