Neftning Brent markasi narxi barreliga 47 dollardan oshdi

Neftning Brent markasi oktabr fyucherslari narxi Londonning ICE birjasi savdolari davomida 1,95 foizga oshib, barreliga 47,03 dollarni tashkil etdi. Bu haqda savdolar natijalariga tayanib, “TASS” xabar bermoqda.

Avvalroq OPEK konferensiyasi raisi, Qatar energetika vaziri Muhammad bin Saleh as-Sada neftga bo‘lgan talab 2016-yilning ikkinchi yarmida o‘sishini, “qora oltin” narxlarining oxirgi pasayishi vaqtinchalik ekanligini ma’lum qilgan edi.

As-Sada, shuningdek, kelajakda soha investitsiya yetishmovchiligi tufayli neft qazib olish hajmining  pasayishiga uchrashini eslatib o‘tdi.