Aktyor Yigitali Mamajonov Instagram’dagi sahifasida: “Urf-odatlarimiz juda ham go‘zal-da!”, degan izoh bilan e’lon qilan surati turli muhokamalarga sabab bo‘ldi.
Suratda Yigitali Mamajonov chimildiqda bir kelinchak bilan o‘tirgani aks etgan. Bu surat qachon, qayerda, qay maqsadda olinganini aniqlash maqsadida jurnalist Feruz Muhammad aktyor bilan bog‘landi.
“Bu surat yosh rejissor Malika Teshaboyevaning ishchi nomi ‘Begunoh’ bo‘lgan filmi s’yomkasi vaqtida olingan. Filmda o‘rtancha o‘g‘il rolini ijro qilyapman”, — dedi Yigitali Mamajonov.
“Filmning yakuniy nomi hali tasdiqlanmagani uchun, bu haqda sahifamda yozmagan edim. Suratda yonimdagi qiz — filmdagi partnyorim, aktrisa Sitora Alimjonova”, — deya qo‘shimcha qildi aktyor.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)