Akademik eshkak eshish. Rio-de-Janeyrodagi noqulay ob-havo sabab final bellashuvlari qoldirildi

Rio—2016 ning akademik eshkak eshish sport turidagi musobaqalar finali noma’lum muddatga qoldirildi, deb xabar berdi “Olamsport”.

Tashkilotchilar bunga ob-havoni sabab qilib ko‘rsatgan. Kuchli shamol va yomg‘ir tufayli qoldirilgan final o‘yinlari qachon bo‘lishiga oydinlik kiritilmagan.

Akademik eshkak eshishning 13—24-o‘rinlari uchun o‘zbekistonlik Shahboz Xolmirzayev ham kurash olib borishi kerak edi. U medallar uchun kurashdan chiqib ketgan.