Yevropa futbol uyushmalari ittifoqi — UEFA 2018-yildan Chempionlar Ligasining yangi formatini joriy etishi mumkin. Bu haqda La Gazzetta dello Sport nashri xabar bermoqda.
Yangi formatga ko‘ra, musobaqada saralash bosqichlari bo‘lmaydi va ma’lum bir mamlakatlar kafolatlangan o‘rinlarga ega bo‘ladi.
Xususan, Angliya, Germaniya, Ispaniya va Italiya guruh bosqichida to‘rttadan, Fransiya, Portugaliya va Rossiya ikkitadan, Shveysariya, Belgiya, Gollandiya, Turkiya va Ukraina esa bittadan kafolatlangan o‘ringa ega bo‘ladi.
Musobaqaning yana besh ishtirokchisi nomi pley-off o‘yinlari orqali aniqlanishi ko‘zda tutilgan. Da’vogarlar qanday aniqlab olinishiga gazeta xabarida aniqlik kiritilmagan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)