TNS Russia tomonidan olingan dastlabki raqamlarga ko‘ra, 6-avgustda Riodagi “Marakana” stadionida Olimpiada ochilish marosimini to‘g‘ridan-to‘g‘ri efirda olib ko‘rsatgan “Rossiya 1” telekanali auditoriyasi 1,042 million kishini tashkil etdi. Taqqoslash uchun, 2012-yilgi London Olimpiadasida bu ko‘rsatkich 2,088, 2008-yilgi Pekin Olimpiadasida esa 6,051 million kishidan iborat bo‘lgandi. Bu haqda “RBK” xabar bermoqda.
Riodagi ochilish marosimi tomoshabinlari ulushi Rossiya aholisining 1,5 (asosiy translyatsiya payti) va 1,2 (qo‘shimcha vaqtda) foizini tashkil etdi. London marosimida bu ko‘rsatkich 31,5, Pekinda esa 40,1 foizdan iborat bo‘lgan.
Sport tadbirlari teleauditoriyasi bo‘yicha Sochida 2014-yili o‘tkazilgan qishki Olimpiada ochilishi marosimi rekord qo‘ygandi. TNS Russia ma’lumotlariga ko‘ra, tadbirni to‘g‘ridan-to‘g‘ri efirda mamlakat aholisining 32,7 foizi yoki translyatsiya payti ekranlar oldida bo‘lgan barcha rossiyaliklarning 69 foizi tomosha qilgan.
Izoh (0)