Rio–2016 Olimpiada o‘yinlarining boks bahslarida eng yengil -49 kilogramm vazn toifasida ishtirok etayotgan o‘zbekistonlik Hasanboy Do‘stmatov ilk jangini g‘alaba bilan yakunladi, deb xabar bermoqda “Sports.uz”.
Meksikalik Xoselito Velaskesga qarshi kechgan bahsda O‘zbekiston vakili 3:0 hisobida g‘alabaga erishdi.
Hasanboy Do‘stmatov nimchorak finalda qozog‘istonlik Birjan Jakipovga qarshi jang o‘tkazadi. Mazkur jang Toshkent vaqti bilan 10-avgustga o‘tar kechasi 01:00 da boshlanishi rejalashtirilgan.
Eslatib o‘tamiz, o‘zbekistonlik bokschilardan Xurshid Tojiboyev (-60 kg) hamda Rustam To‘laganov (-91 kg) chorak finalga yo‘l olgandi.
Izoh (0)