Hindistonning Maxarashtra shtatida turar-joy binosi qulab ketishi natijasida ikki kishi halok bo‘ldi, deya xabar bermoqda “Korrespondent.net”. Yana kamida yetti kishi vayronalar tagida qolmoqda.
Hodisa 7-avgust, yakshanba kuni Mumbaydan 20 km shimoli-sharqdagi Bxivandi shahrida sodir bo‘ldi.
Mahalliy politsiya ma’lumotlariga ko‘ra, ikki qavatli binoda uchta oila yashab kelgan. To‘rt kishini qutqarishga erishishgan.
Bino avariyaviy holatda bo‘lgan, hukumat esa uni yashash uchun xavfli deb topgan.
Hodisa joyiga hududning favqulodda va qutqaruv xizmatlari yetib kelib, bino vayronalari orasidan odamlarni qidirmoqda va hodisa tafsilotlarini aniqlashtirmoqda.