Boshqirdistonning Chishminsk tumani fuqarosi masjiddan 100 ming rubl tunashda gumonlanib qo‘lga olindi. Bu haqda 8-avgust, dushanba kuni respublika IIV matbuot xizmati ma’lum qildi, deya xabar bermoqda “Interfaks”.
Boshqarmaning ma’lum qilishicha, 5-avgust tongida avval ham sudlangan 55 yoshli erkak Rayevka qishlog‘idagi masjidga kelgan. Masjid xizmatchisiga uzoqdan kelayotganligini aytib, yo‘ldagi kishilar uchun duo o‘qishni so‘ragan. Keyin esa biroz uxlab olishga ruxsat so‘ragan.Muazzin yordam berishga rozi bo‘lgan. Uni masjidda qoldirib, o‘zi uyga yo‘l olgan. Tonggi oltida masjidga qaytgan masjid xizmatchisi mehmonning uxlayotganligini ko‘rgan. Tushda esa u g‘oyib bo‘lgan, seyfdan esa masjid rekonstruksiyasi uchun to‘plangan pullar va ehsonlar qutisi yo‘qolgan.
Tergov taxminiga ko‘ra, jinoyatchi imom xonasi eshigini buzib kirgan. U yerda esa ochiq turgan seyfni ko‘rib, undagi 90 ming rublga yaqin pulni olgan, qo‘shimchasiga ehsonlar qutisini ham o‘zi bilan olib ketgan. Barcha o‘g‘irlangan narsalar bilan erkak uyiga yo‘l olgan.
O‘g‘rilik moddasi bo‘yicha jinoyat ishi qo‘zg‘atilgan.