Dunyodagi eng baland suvli tepalikda yuz bergan baxtsiz hodisa tufayli 12 yoshli bola halok bo‘ldi. Bu haqda Fox News telekanali ma’lum qildi, deya xabar bermoqda “TASS”.
Telekanalning ma’lum qilishicha, fojia Kanzas-Siti shahridagi ochiq akvaparkda yuz bergan. Huquqni muhofaza qilish organlari bolaning o‘limiga olib kelgan hodisa tafsilotlarini oshkor etmadi va surishtiruv olib borilayotganligini ta’kidladi. Shu munosabat bilan akvapark tashrif buyuruvchilar uchun vaqtincha yopilgan.
Fojia Verrückt (nemis tilidan tarjima qilganda “aqldan ozgan”) nomli suvli tepalikda yuz bergan. U Ginnesning Rekordlar kitobiga shu turdagi eng baland attraksion sifatida kiritilgan. 50 metrga yaqin balandlikka ega bo‘lgan ushbu tepalikdan pastga tushish tezligi soatiga 100 kilometrdan oshadi.