Nissan Motor kompaniyasi dunyoda birinchi qattiq oksidli yoqilg‘i elementlariga ega (SOFC) avtomobilni taqdim etdi. E-Bio Fuel-Cell nomini olgan loyiha uchun asos sifatida Nissan e-NV200 elektr furgoni xizmat qildi, deb xabar beradi “Drayv”.
Foto: “Drayv”
Ishlab chiqaruvchi iyunda mazkur texnologiya bilan bog‘liq tajribalar haqida ma’lum qilgandi, hozirda esa ilk nusxa yo‘l sinovlari uchun tayyor. Avtomobilda yoqilg‘i uchun toza etanol yoki suv aralash spirtdan foydalaniladi. Shu sabab bioetanol ko‘p ishlab chiqariladigan Braziliya sinov uchun tanlandi.
Tajriba nusxasida SOFC yacheykalari 5 kilovatt quvvatga ega va sig‘imi 24 kVt/soatli batareyani to‘yintiradi. Spirt uchun 30 litrli bak va litiyli batareya mashinaga 600 kilometr yo‘l yurishga imkon beradi.
Nissan Motor prezidenti Karlos Gonga ko‘ra, spirt yoqilg‘isida yuradigan elektromobil energetika va yoqilg‘i bozorini mintaqaviy rivojlanishini qo‘llab-quvvatlashga qodir, u infrastruktura o‘zgartirilishini talab etmaydi, boshqa yoqilg‘i turlariga nisbatan foydalanishda xavfsiz. Mazkur texnologiya 2020-yilda bozorga chiqishi kutilmoqda.
Izoh (0)