Makedoniya poytaxti Skopyeda 6-avgust tunida ro‘y bergan kuchli jala oqibatida 15 kishi halok bo‘ldi. Bu haqda, mamlakat ichki ishlar vazirligi bayonotiga tayanib, “TASS” xabar bermoqda.
Qurbonlar Arachinovo, Singelich va Staykovsi aholi yashash punktlari uchun tasdiqlandi.
Bir necha soat davomida poytaxtda bir oylik me’yorga teng yog‘ingarchilik bo‘lib o‘tdi. Jalaga kuchli shamol hamrohlik qildi, buning oqibatida shaharning ko‘p hududlarida daraxtlar yiqildi. Kanalizatsiya tizimi bunday miqdordagi suvni tortib keta olmadi, natijada Skopyening bir qancha tumanlarida salkam daryolar hosil bo‘ldi. 30 dan ortiq mashinalar xavfli hududlarda qolib ketdi, odamlar ijtimoiy tarmoqlar orqali yordam so‘ray boshladi.
“Skopye shahrining barcha xizmatlari, IIV, armiya safarbar qilindi. Biz qo‘limizdan kelganini qilmoqdamiz”, — dedi shahar meri Kotse Trayanovskiy.
Izoh (0)