Madridning “Real” klubi rahbariyati jamoa bosh murabbiyi Zinedin Zidanning maoshini ikki barobar oshirishga qaror qildi. Bu haqda “Chempionat” xabar bermoqda.
AS nashri ma’lumotiga ko‘ra, endi fransiyalik mutaxassisning maoshi yiliga 5,5 million yevroni tashkil etadi. Zidan o‘tgan mavsumdayoq klub rahbariyati bilan bu masalada kelishuvga erishgandi.
Zidanning hozirgi maoshi jamoa sobiq ustozi Rafael Benitesga berilgan summaga deyarli tenglashdi. Benitesgacha “Real”ni boshqargan Karlo Anchelotti yiliga 7,5 million yevro olardi.
Eslatib o‘tamiz, Madrid klubi Zidan boshchiligida finalda “Atletiko”ni yengib (1:1, penaltilar bo‘yicha 5:3), Yevropa Chempionlar Ligasida g‘olib chiqdi.
Izoh (0)