Yangi mavsumdan e’tiboran Angliyaning “Manchester Yunayted” klubi sharafini himoya qiladigan Zlatan Ibrahimovich, Manchester shahridan o‘zi va oilasi uchun uy topdi, deb xabar berdi “Isport” The Sun nashriga asoslanib.
Bunga qadar shved hujumchisi odatda “Yunayted”ning raqiblari kelib joylashadigan Manchester Sitidagi Radisson Blu mehmonxonasida oilasi bilan istiqomat qilayotgandi.
Zlatanning yangi uyi 6 yotoqxonadan iborat. Uy garajiga futbolchining umumiy qiymati 1,5 million funtga baholangan barcha avtomashinalari sig‘ib ketadi. Buning uchun Ibrahimovich oyiga 16 500 funt-sterling to‘lab turadi.
6 ta yotoqxonadan tashqari uy shinamgina basseyn va zamonaviy barni o‘z ichiga oladi. Hovlining orqa tomonida esa Zlatan yaqinlarini mehmon qilib, barbekyu tashkil qilishi ham mumkin.
Izoh (0)