Xitoy janubi-sharqidagi Sichuan provinsiyasining baland tog‘lar joylashgan hududida kosmik nurlarni tadqiq etish uchun yangi observatoriya qurilishini boshladi. Bu haqda “Xuansyu shibao” gazetasi ma’lumotiga tayanib, “TASS” xabar bermoqda.
Obyekt Gardze-Tibet avtonom okrugining Dabba uyezdida dengiz sathidan 4,4 kilometrdan ortiq balandlikda joylashadi. Loyiha LHAASO (Large High Altitude Air Shower Observatory) — “Atmosfera yomg‘irlarini tadqiq etish uchun baland tog‘da joylashgan katta observatoriya” nomini oldi.
Qurilish qiymati 1,2 milliard yuanga (180 million dollar) baholanmoqda, binoning birinchi qismi besh yildan keyin foydalanishga topshirilishi rejalashtirilmoqda.
“Kosmik nurlar va ularning kelib chiqishini o‘rganish koinot va uning taraqqiyotini o‘rganishda muhim rol o‘ynaydi. Bu Quyosh sistemasidan tashqarida joylashgan moddalardan namuna olishning yagona usulidir”, — deb ta’kidladi loyihaning ilmiy rahbari Sao Chjen.
Izoh (0)