Rossiya markaziy harbiy okrugining radiatsiya, kimyo va biologik himoya bo‘linmalari Yamal yarim orolidagi Sibir kuydirgisi o‘chog‘ida sutka davomida 100 dan ortiq bug‘u qoldiqlarini yo‘q qildi. Bu haqda 3-avgust, chorshanba kuni okrug qo‘shinlari qo‘mondoni yordamchisi polkovnik Yaroslav Roshchupkin ma’lum qildi, deya xabar bermoqda “TASS”.
“O‘tgan sutkalar davomida harbiy mutaxassislar 123 ta bug‘u qoldiqlarini yo‘q qildi. Taqqoslash uchun, dushanba, 1-avgust kuni 52 ta halok bo‘lgan bug‘u qoldiqlarini yo‘q qilgan edi. Shu tariqa, keng ko‘lamli operatsiyaning ikkinchi kunidayoq ish sur’atini 2,5 barobargacha oshirishga erishildi”, — deya ta’kidladi polkovnik.
Uning so‘zlariga qaraganda, keyingi kunlarda ham ish hajmi erishilgan darajada davom ettiriladi.
Yamalda Sibir kuydirgisi oqibatlarini bartaraf etish bo‘yicha operatsiya 1-avgust kuni boshlangan edi. “Jami 200 ga yaqin bug‘uning qoldiqlari yo‘q qilindi. Bevosita infeksiya o‘chog‘ida 70 dan ortiq mutaxassis ishlamoqda”, — deya ta’kidladi Roshchupkin.
Mutaxassislar sentabr oyigacha Sibir kuydirgisi o‘chog‘i oqibatlarini bartaraf etish va Yamal tundrasini tozalashga erishish mumkinligini ma’lum qildi.
Izoh (0)