Yurgen Klopp boshchiligidagi “Liverpul” o‘rtoqlik o‘yinida Rimning “Roma”sidan yengildi

Ayni vaqtda AQShda bo‘lib turgan Angliyaning “Liverpul” va Italiyaning “Roma” klublari o‘rtoqlik o‘yini doirasida maydonga tushdi.

Bellashuvda rimlik futbolchilar 2:1 hisobida zafar quchdi. “Liverpul” darvozasiga kiritilgan har ikki gol o‘z vaqtida Angliya Premyer-Ligasida to‘p surgan futbolchilar hisobiga yozildi. 29-daqiqada Edin Jeko “Roma”ni oldinga olib chiqqan bo‘lsa, 62-daqiqada Muhammad Saloh rimliklar uchun g‘alaba golini urdi.

Liverpulliklarning 45-daqiqada kiritilgan yagona goliga Odjo mualliflik qildi.

Xalqaro Chempionlar Kubogi—2016 da ishtirok etayotgan “Liverpul” Londonning “Chelsi” klubidan 0:1 hisobida yengilgan, Italiyaning “Milan” klubini esa 2:0 hisobida mag‘lub etgandi.