XOQ sessiyasi Ijroqo‘mning Rossiyani Rio–2016 dan chetlashtirmaslik qarorini qo‘llab-quvvatladi

Xalqaro olimpiya qo‘mitasi sessiyasi tashkilot Ijroqo‘mining 24-iyuldagi Rossiya sportchilarini Rio-de-Janeyro Olimpiadasidan chetlashtirmaslik haqidagi qarorini qo‘llab-quvvatladi. Qaror tashkilotning 2-avgust kuni ish boshlagan 129-sessiyasida qabul qilindi, deb xabar beradi “TASS”.

Sessiya doirasida XOQ a’zolari Rio-de-Janeyrodagi Olimpiya o‘yinlaridan so‘ng xalqaro aksildoping tizimini qayta ko‘rib chiqish chaqirig‘iga qo‘shildi. Ilgariroq XOQ 21-iyun kuni o‘tgan Olimpiya sammiti doirasida Butunjahon aksildoping agentligining (WADA) navbatdan tashqari sammitini to‘plab, soha muammolarini muhokama qilish taklifini bergan edi.