O‘zbekiston milliy teleradiokompaniyasining “Sport” telekanali Rio-de-Janeyro Olimpiadasining translyatsiyasi huquqini qo‘lga kiritdi. Bu haqda “Daryo”ning O‘zMTRKdagi manbasi ma’lumot berdi.

Foto: “Stadion.uz”

Foto: “Stadion.uz”

“Olamsport” xabariga ko‘ra, Olimpiada—2016 o‘yinlari start oladigan hafta uchun chiqarilgan teledasturlardan yirik sport festivalining ochilish marosimi joy olmagandi. Xabarda Qozog‘istonning uchta telekanalida mamlakat sportchilarining barcha chiqishini namoyish etish rejasi bor ekanligi qo‘shimcha qilingan.

“Sport” telekanali hafta uchun chiqarilgan teledasturlarga o‘zgartirish kiritib, rejadagi dasturlar o‘rniga Olimpiada musobaqalarini namoyish qiladi.

Rio—2016 ochilish marosimi Toshkentga 6-avgust kirib kelgan kunda bo‘lib o‘tadi.