Pokistonda narkotik moddalar kontrabandasida gumonlanayotgan 13 aviakompaniya xodimi qo‘lga olindi

Laxorda Pakistan International Airlines (PIA) aviakompaniyasining 13 xodimi hibsga olindi. “TASS”ning Dawn nashriga asoslanib bildirishicha, Dubayga ketayotgan samolyot bortidan umumiy narxi 900 ming dollarni tashkil etadigan 6 kilogramm narkotik topilganidan so‘ng bunga aloqadorlikda gumonlanuvchi barcha xodimlar qo‘lga olingan.

Yaqin orada surishtiruv yakunlariga ko‘ra aviakompaniyaning yana bir qator xodimlari hibsga olinishi mumkinligi aytilmoqda.

Shuningdek, o‘sha samolyotda Dubayga yo‘l olgan yo‘lovchilardan biri ham hibsga olingani ma’lum.