Yerevanda politsiyachi “Sasna srer” snayperining o‘qiga uchdi

Armaniston poytaxti Yerevanda garovga olingan politsiya patrul-post xizmati polkidan otilgan snayper o‘qi politsiyachining halokatiga sabab bo‘ldi. Bu haqda, Armaniston politsiyasi matbuot kotibi Ashot Agaronyanning so‘zlariga asoslanib, “Interfaks” xabar bermoqda.

“O‘sha paytda mashinada o‘tirgan, politsiya qo‘shinlari xizmatchisi bo‘lgan 30 yoshli Yura Tepanosyan qurolli guruh nazorati ostidagi hududdan otilgan snayper o‘qi bilan o‘ldirildi. Avtomobil politsiya polki binosidan 400 metr narida joylashgan edi”, — dedi Agaronyan.