Mutko: Rio–2016 Olimpiadasiga 266 rossiyalik sportchi yo‘l oladi

Ayni paytda Rio-de-Janeyroda o‘tadigan Olimpiadada ishtirok etishga ruxsat olgan rossiyalik sportchilar soni 266 kishini tashkil etmoqda. Bu haqda “Match TV” telekanali efirida Rossiya sport vaziri Vitaliy Mutko bayonot berdi, deb yozmoqda “Vedomosti”.

“Dastlab kiritilgan arizadan so‘ng bizning termamiz jiddiy saralashdan o‘tdi — barcha kriteriylarni bilasiz”, — dedi Mutko.

“Biz 34 sport turidan 29 tasiga ariza berganmiz, shulardan to‘rttasiga yo‘l ololmadik, bugungi kunda o‘tgan sportchilar 266 nafar”, — qo‘shimcha qildi u.

Ilgariroq Olimpiadaga 272 rossiyalik atlet yo‘l olgani ma’lum qilingan edi.