Kanadalik bokschi Adonis Stivenson Butunjahon boks kengashi (WBC)ning -79,4 kilogramm vazn toifasida yettinchi marta chempionlik kamarini himoya qildi. Kanadaning Kvebek shahrida 29-iyul kuni kechasi o‘tkazilgan 12 raundlik jangda 38 yoshli bokschi 28 yoshli AQSh vakili Tomas Uilyamsni 4-raundda nokautga uchratdi, deb xabar bermoqda “TASS”.
Adonis Stivenson professional ringda o‘tkazgan 29 ta jangdan 28 tasida (shulardan 23 tasida nokaut bilan) g‘alaba qozonib, 1 tasida mag‘lubiyatga uchragan. Professional ringdagi ikkinchi mag‘lubiyatini tan olgan Tomas Uilyams jami 22 ta jang o‘tkazib, 20 tasida (shulardan 14 tasida nokaut bilan) zafar quchgan.
Izoh (0)