Turkiya hukumati to‘ntarishda halok bo‘lganlar va jabrlanganlarning oilalariga tovon va nafaqa pullari tayinladi

Turkiya hukumati harbiy to‘ntarishga urinish chog‘ida halok bo‘lgan va jabrlanganlarning oilalariga moddiy yordam ko‘rsatish maqsadida ajratiladigan tovon pullari miqdorini belgiladi. Bu haqda “TASS” xabar bermoqda.

Aytilishicha, halok bo‘lganlar va jarohat olganlarning oilalariga oyiga 3203 lira (ming dollar atrofida) miqdorida minimal maosh tayinlanadi. Shuningdek, halok bo‘lganlarning oilalariga 88,6 ming lira (29,4 ming dollar) miqdorida bir martalik tovon puli beriladi.

Bundan tashqari, ularning qarindoshlari harbiy harakatlar faxriylari qarindoshlariga tenglashtirilib, ularga tegishli nafaqa puli to‘lab boriladi.

• Turkiyadagi harbiy to‘ntarish

Halok bo‘lganlarning qarindoshlari va nogiron bo‘lib qolganlar davlat sektorida ishlashi mumkin bo‘ladi.