Toshkent shahri chorrahalariga o‘rnatilgan kuzatuv kameralari yozib olgan yo‘l-transport hodisalarining navbatdagi qisqa jamlanmasi Mover videoxizmatiga joylashtirildi. Bu haqda Facebook’dagi “Voditeli Tashkenta (Drivers.uz)” guruhida xabar qoldirilgan.
Videojamlanmaga 2016-yilning 6-martidan 16-maygacha bo‘lgan oraliqda yuz bergan oltita yo‘l-transport hodisasi kiritilgan. Videodagi qariyb barcha avariyalar haydovchilarning svetofor ishoralariga bo‘ysunmasligi yoki ustunlikka ega bo‘lgan harakat ishtirokchisiga yo‘l bermasligi oqibatida sodir bo‘lgan.
Bungacha Toshkent chorrahalariga o‘rnatilgan kameralar yozib olgan yo‘l-transport hodisalarining ikkita videojamlanmasi e’lon qilingan edi.
Yo‘l bering, qizilda o‘tmang: Toshkent chorrahalariga o‘rnatilgan kameralar yozib olgan avariyalar
Ehtiyot bo‘ling, piyodalar! Toshkent chorrahalariga o‘rnatilgan kameralar yozib olgan piyodalar ishtirokidagi avariyalar
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)