Erondagi Umriya ko‘li qisqa muddat ichida yashil rangdan qizil tusga kirdi. NASA agentligi ko‘lning rangi o‘zgargan suratlarini taqdim qildi, deb xabar bermoqda “Vesti.ru”.
Umriya har yili o‘z rangini o‘zgartiradi. Havzaning o‘z tusini o‘zgartirishiga uning ichida yashovchi mikroorganizmlar sababchi. So‘nggi 10 yil ichida sayozlashib ketayotgan ko‘l har yili bahorda tog‘ suvi bilan to‘ldiriladi. Yozda suv sathi kamayadi, natijada uning tarkibidagi tuz moddasi ko‘payadi.
Gidrobiologlarning fikricha, ko‘lda bir hujayrali suv o‘tlari o‘sishi sababli Umriya qizil rangga “belanadi”. Ular avval yashil bo‘ladi, ammo tuz miqdorining oshib ketishi oqibatida ular qizil rangga kiradi. Boshqa versiyaga ko‘ra, ko‘lning rangiga qizil pigment ajratuvchi galobakteriyalar ta’sir qiladi.
Olimlarning fikriga ko‘ra, yaqin yillar ichida Eronning mashhur ko‘li “yashilligini” yo‘qotib, tarixga qizil ko‘l sifatida kiradi. Bu narsa ko‘l joylashgan hududda yoz fasli yil sayin quruqroq bo‘layotgani va buning natijasida yangi suv kelishining kamayishi bilan bog‘liq.
Izoh (0)