Italiyaning “Napoli” klubi prezidenti De Laurentis argentinalik hujumchi Gonsalo Iguainning “Yuventus” tarkibiga o‘tib ketishini sotqinlik deb atadi.

“To‘g‘risini aytsam, Gonsalo ketadi, biz bilan o‘tkazgan uch yilini esdan chiqaradi deb o‘ylamagandik. Kimdir buni sotqinlikka yo‘ymas, biroq men boshqa fikrdaman. Bu sotqinlik va noshukrlik”, — dedi klub prezidenti.

“‘Yuventus’ Iguainning badal pulini to‘lashga rozi bo‘lganini eshitib, kelajak haqida bosh qotirishni boshladik. Futbolchining agenti intervyu bergach esa yangi hujumchi qidirishimiz kerakligini tushundik. Men Turin klubidan bu ishni kutmagandim”, — deb De Laurentisning so‘zlaridan iqtibos keltirdi “Championat.asia”.

Gonsalo Iguain “Yuventus” uchun 90 million yevroga aylandi. Bu futbol tarixida Garet Beyl va Krishtianu Ronaldudan keyingi uchinchi eng qimmat transfer edi.