O‘zbekistonning yangi Ravon brendi Sankt-Peterburg bozorida avgustda paydo bo‘ladi, deya xabar bermoqda “Dp.ru”. Marka dileri “MarkoPromt” kompaniyasi bo‘ldi.
Savdolar rasman boshlanadigan sana belgilanganicha yo‘q, ammo ilk mashinalar ikki haftadan keyinoq dilerlik markaziga yetib keladi.
Bugungi kunda Ravon Rossiyaning 20 ta hududida o‘z dilerlariga ega.
Eslatib o‘tamiz, GM Uzbekistan QK Rossiyaga Ravon R2 (Chevrolet Spark muqobili) modeli avtomobillarini jo‘natishni may oyida boshlagan edi.
Rossiyada o‘tgan yilning oktabr oyida taqdim etilgan Ravon brendi joriy yilda MDHning boshqa bozorlari, shu jumladan, Qozog‘istonda ham savdoga chiqariladi.
Izoh (0)