O‘zbekistonlik 58 yoshli opera kuychisi, Toshkentdagi “Registon” ansambli rahbari Xursand Sherov sevimli artisti Muslim Magomayev xotirasiga velotur bag‘ishladi. Bu haqda My Day xabar bermoqda.
Xonanda Ipak Yo‘li orqali, Olmaota, Novosibirsk, Krasnoyarsk, Irkutsk, Chita, Manchjuriya va Pekindan o‘tadi. Qaytishda esa Turkmaniston va Ozarbayjondan o‘tib, 29-oktabr kuni Bokuda konsert beradi.
Xonanda ikkinchi marotaba Magomayev xotirasiga velosafar uyushtirmoqda. Birinchi marta u Toshkentdan Moskvagacha safar qilib, velosipedda 3,5 ming kilometr yo‘l bosib o‘tgan va Magomayevning Moskvadagi haykali ostida konsert bergan edi.
Safar chog‘ida Sherov to‘playotgan axborot va olib borayotgan syomka materiallari Andrey Malaxovning “Birinchi kanal”dagi “Pust govoryat” dasturi orqali ko‘rsatiladi.
Ayni paytda Sherov Chitada bo‘lib, u yerdan 26-iyul kuni Zabaykalskka yo‘l oladi.
Izoh (0)