“Futbol qiroli” Pele Olimpiadaning ochilish festivalida asosiy persona bo‘lishga yaqin

Afsonaviy futbolchi Pele Rio-de-Janeyro Olimpiadasining ochilish marosimida ishtirok etadi. Bu haqda “TASS” UOL nashriga asoslanib xabar berdi.

22-iyul kuni Pele o‘zi uchun qadrdon bo‘lgan Santos shahrida olimpiya mash’alasini qabul qilib olgan. U Pele uchun atab qurilgan muzeyga olib kelindi va afsona muzey balkoniga chiqib, mash’ala va qo‘llarini muxlislari uchun silkib qo‘ydi. Biroq estafeta kulminatsiyasida Pele baribir ishtirok eta olmadi. Bunga sabab sifatida uni 2015-yilning dekabridan buyon qiynab kelayotgan sog‘lig‘idagi muammolar ko‘rsatilgan.

5-avgust kuni “Marakana” stadionida bo‘lib o‘tadigan Olimpiadaning ochilish marosimi ssenariysi qattiq sir tutilayotgani uchun, Pele unda qanday rolda bo‘lishi aniq bo‘lib ulgurmagan. UOL ma’lumotiga ko‘ra, Pele ochilish marosimida balandlikka ko‘tarilib, Olimpiada davomida yonib turuvchi olovni alanga oldirish uchun asosiy nomzod hisoblanadi.

Pele FIFA talqiniga ko‘ra XX asrning eng yaxshi futbolchisi deb topilgan. U faoliyati davomida olimpiya o‘yinlarida ishtirok etmagan bo‘lsada, 1999-yil Xalqaro Olimpiya Qo‘mitasi Peleni yuzyillikning eng yaxshi sportchisi deb tan olgan.